PNTL koloka efetivu 50 kontrola pontu entrada Kapitál Dili – TATOLI

DILI, 08 marsu 2021 (TATOLI)- Komandu Polísia Nasionál Timor-Leste (PNTL) Munisípiu Dili, segunda ne’e, halo enkontru koordenasaun Nivél Komandu hodi prepara efetivu polísia sira atu halo seguransa másimu ba Serka Sanitaria ne’ebé Governu deside ona.

Segundu Komandante Polísia Munisípiu Dili, Superintendente Asistente, Euclides Belo, hateten Polísia komandu Munisípiu Dili (KMD) preparadu hodi fó seguransa durante serka sanitária (lockdown) iha kapitál Dili hodi bele halo prevensaun ba propagasaun COVID-19.

“Liu hosi enkontru ohin hodi prepara ekipa taskforce sei garante seguransa bainhira Governu iha implementasaun serka sanitaria,” Euclides Belo, hateten ba jornalista sira.

Komandu Munisípiu Dili prepara ona efetivu na’in-50 hodi koloka iha fatin haat ne’ebé identifika ona hanesan pontu entrada Kapitál Dili mak hanesan hosi parte Hera, Palásiu Nobre-Lahane, Manleuana, Beduku ho Tasi-Tolu.

Eulides Belo, husu autoridade lokál, estrutura Konsellu Polisiamentu Komunitária (KPK) atu envolve fasilita operasaun hodi kontribui ba asegura serka sanitaria ho efetivu no efikásia.

Jornalista : Nelson de Sousa

Editór : Francisco Simões

Share via
Copy link
Powered by Social Snap
COVID-19 Timor-Leste

FREE
VIEW