OMS nia plataforma ba aprendizajen online, OpenWHO.org agora oferese treinamentu ba kursu COVID-19 iha lian Tetum – ida hosi Timor-Leste nia lian nasionál rua. Ida ne’e mak ba dala uluk rekursu aprendizajen ne’ebé desponivel iha plataforma internasionál hanesan OpenWHO.org.
Kursu tolu ba COVID-19 ne’ebé loke uluk iha lian Tetum mak: Virus Respiratoriu Emerjente, inklui COVID-19: metodu ba deteksaun, prevensaun, responde no kontrolu, ePROTECT Infesaun Respiratóriu, no Prevensaun ba Infesaun no Kontrolu (IPC) ba COVID-19 Virus no Oinsá atu uza Ekipamentu Protesaun Pesoál (EPP)
OpenWHO mak OMS nia plataforma ba interativa online ba fahe konesimentu introdús kursu online sira kona-ba . Dezde lansa iha 2017, OpenWHO ajuda ona Organizasaun ida ne’e nia no parte interesada sira atu bele hato’o koñesimentu ne’ebe bele salva moris ba sira ne’ebé mak iha lina oin iha mundu tomak. Agora dadauk, plataforma ida ne’e iha ema besik tokon 3.7 ne’ebe mak rejista ona ba kursu hirak ne, no loron-loron númeru ida ne’e aumenta ba beibeik.
OMS Timor-Leste servisu hamutuk ho sentru OMS nian iha Genebra atu dezenvolve kursu hirak ne’e iha Tetum.
“OMS dedika nia aan ba hetan konesimentu foun kona ba oinsa salva ita nia moris hosi COVID-19 ba sira ne’ebé atende no servisu iha liña oin. Ami hala’o ami nia servisu tuir valór sira hanesan fó asesu no igualidade, la haree ba ema ne’e hela iha ne’ebé de’it iha mundu. Iha prátika, ho ida ne, ami presiza produz materiál iha lian no/ka dialetu ne’ebé prefere, no mós iha format ne’ebé fasil atu kompriende. Koñesimentu ne’ebe hato’o hosi dalan ida ne bele haforsa nasaun sira no ajuda salva moris. Liuhosi kolaborasaun ho OMS Country Offices, Ministériu Saúde no mós voluntáriu ne’ebé ami iha traduz ona liafuan tokon 4.5 ne’ebé liu lian 35 ba ami nia 13 kursu COVID19 ne’ebé ami iha. Ho orgullu ami lansa kursu foun hirak ne’e iha Tetum atu suporta oinsá responde ba COVID19 iha Timor-Leste” Dr. Gaya M Gamhewage, Head of Learning & Capacity Development, WHO Headquarters, Geneva.
Kursu sira iha Tetum hirak ne’ebe sei tuir mak Clinical Care Severe Acute Respiratory Infection no Severe Acute Respiratory Infection (SARI) Treatment Facility Design.
“Bazeia ba artigu sientífiku no atualizasaun ba koñesimentu mak sei nafatin sai hanesan medidas importante iha luta hasoru COVID-19 ida ne’e. Hosi halo kursu hirak ne’e loke ho lian Tetum ba pesoál saúde sira, sai hanesan hakat bo’ot ida ba oin ba hari’i kapasidade no prepara sira atu responde ho efetivu. Ha’u mos presiza aumenta tan katak ida ne sei la sai susesu se lahetan apoiu finanseiru hosi USAID” Dr Rajesh Pandav, Reprezentante OMS ba Timor-Leste.
Kursu OpenWHO oferese ho gratuita ba ema ne’ebé deit mak rejista ho sira nia kontaktu e-mail rasik. Liután mak, kursu OpenWHO la ansi ita, katak ita la bele kompleta kursu ida ne ho ita ida-idak nia tempu. Ita mós bele asesu OpenWHO liuhosi telemovel, ba iOS no mós Androids. Ba Android usa link ida ne’e no ba Apple uza link ida ne’e atu bele download no instala aplikasaun ne’e.
Ba media, favór kontaktu:
Elizabeth Hasan
Communication Associate
Mobile: +670-77099494
Email: hasane@who.int
