Ohin 30 janeiru 2021 husi komisaun nasionál rejista tan kazu konfirmadu covid-19

Dadus 30 janeiru 2021

Kazu Foun : +1

Komulativu Kazu : 70

Rekuperadu Foun : 1

Komulativu Rekuperadu : 51+4 = 55

Atuál Baixa : 19 (Dili: 18, RAEOA: 1)

Atualiza kazu pozetivu foun Covid-19

Ohin 30 janeiru 2021 husi komisaun nasionál rejista tan kazu konfirmadu covid-19, pasiente ne’e Timór-oan mane ho idade 49, pasiente ne’e laiha sintomas ka asimtomatiku.

Iha 15 janeiru 2021 pasajeiru husi Kupang, Indonézia mai Timor-Leste liuhusi Pontu Entrada Batu-Gede, Munisípiu Bobonaro. Pasajeiru ne’e nu’udar Adidu Imigrasaun serbísu iha Konsuladu Kupang, Indonézia.

Iha loron ne’ebé nia tama mai ekipa liña frente submete kedas pasajeiru ne’e bá iha kuarentena Batu-gede. iha 27 janeiru ekipa vijilánsia Pilár 3 iha Serbisu Saúde Munisípiu Bobonaro ba hasai nia teste swab no 29 janeiru rezultadu teste laboratóriu hatudu katak sidadaun ne’e pozetivu Covid-19.

Ohin 30 janeiru ministériu saúde fó sai hikas pasiente rekuperadu Covid-19 na’in 1 mane ho idade 48 husi sala izolamentu Vera Cruz, Dili hodi fila ba nia família no nia komunidade.

Maluk ne’e Timór-oan, iha 2 janeiru odamatan boot fonteira nian taka maibé sidadaun ne’e desidi hodi tama mai teritóriu Timór nian liuhusi dalan illegal, Polísia Unidade Patrullamentu Fronteira (UPF) kaptura nia no lori ba tama kuarentena iha Batu-Gede, Munisípiu Bobonaro. Iha 13 janeiru nia konfirmadu Covid-19 no baixa iha izolamentu Vera Cruz to’o ohin loron no agora ekipa prepara ona atu fó alta.