Nota ba Imprensa 9 Abril

9 ABRIL 2021, 17H15
Dr Rui Maria de Araújo
Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste,
(CIGC-SS)

Ohin, loron 9 fulan Abril 2021 hodi Centro Integrado Gestão de Crises-Sala Situação nia naran, hakarak hato’o ba jornalista, no ba públiku tomak, informasaun pur eskritu hanesan tuir mai:

✅ EVOLUSAUN SURTU COVID-19 IHA MUNISIPIU DILI
Munisipiu Dili, iha 9 abril deteta kazu foun 53. Nune’e kazu detetadu ka pozitivu iha Munisipiu Dili husi 7 marsu 2021 to’o ohin 9 abril 2021 hamutukhotu 742.

Ho baze ba informasaun ne’ebé disponível, ekipa konjunta saúde hafo fali revizaun ba fokupropagasaun/cluster iha Munisipiu Dili ho baze ba ligasaun entre kazu iha área geografika no expozisaun ba fonte infesaun.

Ho nune’e iha Dili reorganiza cluster tuir área geografika suku nian ho fatin propagasaun seluk mós, hamutuk hotu iha 23 cluster.

✅EVOLUSAUN SURTU COVID-19 IHA MUNISIPIU BAUCAU

Munisipiu Baucau ohin deteta tan kazu foun 1. Kazu pozitivu hirak ne’e ba husi Dili. Hamutuk hotu iha Baucau iha kazu 35 detetadus.

Ho baze ba informasaun ne’ebédisponível, ekipa konjunta saúde hafo fali revizaun ba foku propagasaun/cluster iha Municipiu Baucau ho baze area geografika. Total iha cluster 4 iha Baucau mak hanesan Baucau vila, Venilale, Laga no Quelecai.

✅EVOLUSAUN SURTU COVID-19 IHA MUNISIPIU MANATUTO
Ohin iha Munisipiu Manatuto deteta kazu foun 1. Kazu ida ne’e halo viajen husi Dili.

✅EVOLUSAUN SURTU COVID-19 IHA MUNISIPIU COVALIMA
Ohin iha Munsipiu Covalima deteta tan kazu pozitivu 13. Kazu pozitivu hirak ne’e halo viájen husi Dili iha 7 abril.

✅EVOLUSAUN SURTU COVID-19 IHA MUNISIPIU LAUTEM
Munisipiu Lautem deteta tan kazu pozitivu 2. Kazu hirak ne’e iha kuarentena iha Lospalos.

✅EVOLUSAUN SURTU COVID-19 IHA MUNISIPIU SIRA SELUK HO RAEOA
Iha Munisipiu sira seluk ho RAEOA ladeteta kazu foun.

🇹🇱DADUS JERÁL BA TIMOR-LESTE TOMAK

1. Kazu detetatu foun iha 9 abril 2021: 70 (53 iha Dili, 17 iha Munisipiu seluk).
2. Kazu rekuperadu iha 9 abril: 48
3. Totál kazu ativu ohin 9 abril: 515
   1. Husi total kazu deteta foun ohin mane 46, feto 24;
   2. Husi total kazu detetadu foun ohin: sintomatiku na’in 4, asintomátikuna’in: 66.
4. Horiseik mai ohin hamutuk hotu Laboratóriu Nasuonál Saúde halo 745 testes PCR, inklui 516 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili.
5. Total pedidu autorizasaun esepsionál atu sai husi serka sanitaria iha Munisipiu Dili,
   husi dia 6 to’o dia 8 abril hamutuk hotu 431. Sekretariadu CIGC responde hotu kedas, maibé 42 pedidus laprienxe kritériu tuir Rezolusaun Governu.

EVOLUSAUN SURTU COVID-19 IHA TIMOR-LESTE, HAHÚ 22 FEVEREIRU 2021
(Tuir klasifikasaun transmissaun OMS nian)

1. Munisipiu Dili Totál Komulativu Kazu: 742, Kazu Foun iha oras 24 ikus: 53, Mate: 1, Klasifikasaun Transmisaun: KAZU IHA CLUSTER
2. Munisipiu Baucau Totál Komulativu Kazu: 31, Kazu Foun iha oras 24 ikus: 1, Klasifikasaun Transmisaun: KAZU IHA CLUSTER
3. Munisipiu Ermera Totál Komulativu Kazu: 22, Kazu Foun iha oras 24 ikus: 20, Klasifikasaun Transmisaun: KAZU ESPORÁDIKU
4. Munispiu Covalima Totál Komulativu Kazu: 34, Kazu Foun iha oras 24 ikus: 13, Klasifikasaun Transmisaun: KAZU IHA CLUSTER
5. Munisipiu Viqueque Totál Komulativu Kazu: 11, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER
6. Munisipiu Ainaro Totál Komulativu Kazu: 5, Kazu Foun iha oras 24 ikus: 5, Klasifikasaun Transmisaun: KAZU IHA CLUSTER
7. Munisipiu Liquiça Totál Komulativu Kazu: 3, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER
8. Munisipiu Lautem Totál Komulativu Kazu: 3, Kazu Foun iha oras 24 ikus: 2, Klasifikasaun Transmisaun: KAZU ESPORÁDIKU
9. Munisipiu Manatuto Totál Komulativu Kazu: 1, Kazu Foun iha oras 24 ikus: 1, Klasifikasaun Transmisaun: KAZU ESPORÁDIKU
10. RAEOA Totál Komulativu Kazu: 1, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU
11. Munisipiu sira seluk Totál Komulativu Kazu: 0, Kazu Foun iha oras 24 ikus: 0, Klasifikasaun Transmisaun: LAIHA KAZU

APELU

Apela ba populasaun Timor-Leste tomak, liu-liu iha Dili no Munisipiu sira ne’ebé afetadu ho inundasaun iha loron hirak ne’e nia laran:

1. Ba sira ne’ebé maski lakon uma, sasan no hela fatin, no tenki evakua ba fatin publiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho bé no sabaun ka dezintetante ruma.
2. Husu mós ba populasaun ne’ebé provizóriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu.
3. Ba populasaun ne’ebé la afetadu husi efeitu inundasaun, favor respeita nafatin regra sira ne’ebé Governu hatu’ur ona atu prevene moras Covid-19 da’et ba mai. Regra sira ne’e, hanesan ita hotu hatene ona

#MédiaPaláciodasCinzas