NOTA BA IMPRENSA
30 de Marsu 2021, 18H00
(Dr Rui Maria de Araújo, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste,
CIGC-SS)
Ohin, loron 30 fulan Marsu 2021, hodi Centro Integrado Gestão de Crises, Sala Situação (CIGC-SS) nia
naran, hakarak hato’o ba jornalista, no ba públiku tomak, informasaun pur eskritu hanesan tuir mai:
I. EVOLUSAUN SURTU COVID-19 IHA MUNISIPIU DILI
Ohin, iha Munisipiu Dili iha kazu foun 50. Nune’e, kazu detetadu ka pozitivu iha Munisipiu
Dili husi dia 7 de Marsu 2021, to’o ohin, 30 de Marsu de 2021, hamutuk hotu 415.
II. EVOSUAUN SURTU COVID-19 IHA VIQUEQUE
Ohin iha kazu pozitivu ida iha Munisipiu Viqueque. Kazu ida ne’e, kontaktu-besik husi kuzu
iha cluster ezistente. Ho nune’e, kazu detetadu iha Munsiipiu Viqueque hamutuk hotu 11.
III. DADUS JERAL:
1) Kazu foun ohin: 51.
2) Kazu rekuperadu: 11.
3) Total kazu ativu: 382.
4) Husi horiseik mai ohin hamutuk hotu LNS halo 939 testes PCR, inklui ona iha laran
176, ne’ebé mai husi pedidu autorizasaun esepsionál atu sai husi serka sanitária iha
Munisipiu Dili.
5) Total pedidu autorizasaun esepsionál atu sai husi & tama mai serka sanitaria iha
Munisipiu Dili, horiseik dia 29 de Marsu, hamutuk hotu 129. Sekretariadu CIGC
responde hotu kedas, maibé 13 pedidus la prienxe kriteriu tuir Resolusaun
Governu.
IV. TABELA EVOLUSAUN SURTU COVID 19 IHA TIMOR-LESTE, HAHÚ 22 FEVEREIRU 2021
(Tuir klasifikasaun transmissaun OMS nian)
| Nº | MUNISIPIU | TOTAL KUMULATIVU KAZU |
TOTAL KAZU FOUN IHA 24 ORAS IKUS |
KLASIFIKASAUN TRANSMISSAUN |
| 1 | DILI | 415 | 50 | Kazu iha Cluster |
| 2 | BAUCAU | 26 | 0 | Kazu iha Cluster |
| 3 | COVALIMA | 19 | 0 | Kazu iha Cluster |
| 4 | VIQUEQUE | 11 | 1 | Kazu iha Cluster |
| 5 | LAUTEM | 1 | 0 | Kazu esporádiku |
| 6 | RAEOA | 1 | 0 | Kazu esporádiku |
| 7 | MUNISIPIU SIRA SELUK | 0 | 0 | La iha kazu |
2
V. APELU
1. Apela ba komunidade iha fatin ne’ebé maluk sira rekuperadu sira hela bá, favor labele
tauk, tamba sira ne’ebé sai husi fatin izolamentu, ekipa saúde sira sertifika ona katak
sira la iha ona risku atu hada’et-tutan virus ba ema seluk.
2. Apela ba populasaun Timor-Leste tomak, liu-liu iha Munisipiu Dili, Baucau ho Viqueque
atu nafatin hakmatek, lalika sé tilun ba lia-anin ka rumores, pratíka nafatin medida sira
ne’ebé ita hotu hatene ona: (a) Uza mascara; (b) fase liman beibeik ho sabaun ka
dezinfetante ruma; (c) evita kose liman ba matan, inus ho ibun; (d) wainhira
kumprimenta malu, lapresiza ka’er liman, bensa-liman, rei-malu ka haku’ak malu; (e)
evita halibur malu barak; (f) hamri’ik ka tur do’ok husi ema seluk, mínimu metru ida ho
balun.
-ninin no rohanRMA
