Komunikadu Imprensa
Sorumutuk Estraordináriu Konsellu Ministrus nian iha loron 15 fulan-fevereiru tinan 2021
Konsellu Ministrus hala’o sorumutuk iha Palásiu Governu, iha Dili, no aprova ona projetu Rezolusaun Governu nian kona-ba planu nasionál vasinasaun kontra COVID-19 nian, ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun , Armanda Berta dos Santos no husi Komisaun Interministeriál ba Elaborasaun no Koordenasaun Ezekusaun Planu Vasinasaun kontra COVID-19 nian. Aprezentasaun ne’e konta mós ho partisipasaun Arvind Mathur, ne’ebé responsavel ba Organizasaun Mundiál Saúde (OMS) iha Timor-Leste.
Planu vasinasaun nasionál kontra COVID-19 agora aprova ne’e prevee tuir rekomendasaun OMS nian ne’ebé vasina di’ak liu ba kontestu Timor-Leste maka vasina “AstraZeneca”, tanba OMS konsidera vasina ne’e segura no efikaz, no mós katak kondisaun nesesáriu sira armazenamentu no refrijerasaun, entre grau rua sentígradu no grau sentígradu ualu, ne’ebé eziste iha país no hanesan similar sira ba utiliza iha programa vasinasaun nasionál sira seluk.
Timor-Leste adere ona ba mekanizmu COVAX Facility no sei iha asesu gratuita ba vasina kontra COVID-19 ba 20% husi ninia populasaun. Akizisaun no implementasaun vasina ba populasaun 80% sira seluk ne’ebé iha hela prosesu diskusaun governamentál, hamutuk ho parseiru dezenvolvimentu prinsipál sira, tuir mobilizasaun rekursu sira, akizisaun no prestasaun servisu sira. Parsela vasina dahuluk ne’e prevee karik bele disponiliza ba país iha inísiu trimestre daruak tinan 2021 nian.
Planu vasinasaun ida-ne’e iha prinsípiu sira universalidade, gratuitidade, asesibilidade no ekuidade. Vasinasaun ne’e la’ós obrigatóriu, maibé ninia administrasaun bele forte ne’ebé rekomenda no enkoraja. Vasina ne’e sei administra tuituir malu ba grupu prioritáriu sira, to’o populasaun elejivel sira bele vasina hotu, mezmu kritériu asesu ba vasinasaun hanesan ekuitativu iha grupu nesesidade hanesan nia laran/benefísiu vasina nian.
Prevee katak iha faze dahuluk bele vasina populasaun 8%, husi 3% sira seluk korresponde ba traballadór sira iha liña frente, liuliu funsionáriu sira ne’ebé serbisu iha Unidade Kuarentena no Izolamentu, ka iha Postu – Entrada nian (Aeroportu, portu no ketan raik). 5% sira seluk husi faze dahuluk ida-ne’e abranje ba populasaun ne’ebé hela iha área ne’ebé hamutuk ba ketan raik no ema sira ne’ebé pelumenus patolojia ne’ebé konsidera risku.
Iha faze daruak nian, sei abranje husi populasaun 12%, sei inklui sidadaun sira ne’ebé ho idade 60, liuliu sira ne’ebé hela iha Rejiaun Administrativa Espesiál Oekusi Ambenu (RAEOA), iha Dili, Covalima no Bobonaru. Iha faze ida-ne’e sei abranje mós, profisionál saúde, profesór sira, pesoál restaurasaun, loja no merkadu sira, pesoál konfisaun relijioza sira, no lider komunitáriu no polítiku sira, ne’ebé hela iha RAEOA ka iha munisipiu Dili, Covalima, ka Bobonaru.
Grupu sira ne’ebé integra iha faze datoluk ne’e, kona-ba 80% sira seluk husi populasaun ne’ebé hela iha Timor-Leste, sei define konstante ba evolusaun husi klíniku nasionál sira no ritmu fornesimentu vasina nian.
Vasinasaun ne’e sei efetua iha estabelesimentu Servisu Nasionál Saúde, iha sira ne’e, sei aloka ekipa sira vasinasaun nian, liuliu treinada hodi konsidera espesifikasaun sira husi vasina kontra COVID-19.
Aprova mós Projetu Rezolusaun Governu nian, ne’ebé impoin serka sanitária ida iha Munisipiu sira hanesan Bobonaru no Covalima, tanba kazu diaknostikadu sira seluk ho SARS-Cov-2, dezignadamente kazu detetadu sira ne’ebé proveniente husi tama ilegál iha país, atu akautela saúde públika populasaun no impede okorrensia transmisaun komunitária husi SARS- Cov-2 iha territóriu nasionál. Ho projetu Rezolusaun Governu nian ida-ne’e hanesan intertida dezlokasaun sira entre munisípiu sira-ne’e no munisípiu sira seluk. Rezolusaun Governu ida-ne’e prodús efeitu sira iha loron tuirmai ba ninia publikasaun no termina iha tuku 23:59 husi loron loron 3 fulan-marsu tinan 2021. REMATA
