Ministériu Saúde liuhusi biban ida-ne’e hakarak hato’o ba públiku relasiona ho títulu notisía husi media nasionál husi GMNTV tantu Televizaun, Jornál no Online loron 18 janeiru 2021 ida’ne’ebé hatete katak:
“Deteta transmisaun lokál, MS sei hala’o Mass Screening iha fatin públiku.”
Ministériu saúde hakarak klarifika katak Informasaun ida ne’e laloos ka falsu.
Liuhusi Konferésia Imprensa husi Kordenadóra Jerál Komisaun Covid-19 atuál Diretóra Jerál Prestasaun Saúde Dotóra Odete da Silva Viegas, oras 10:30 ne’ebé relata no atualiza situasaun nasionál Covid-19 iha semana kotuk (16 janeiru) hatete katak:
✅“Screening Massal ne’e hala’o nu’udar dalan ida ke di’akliu hodi bele deteta sedu karik iha transmissaun lokál iha komunidade.
✅“Tamba ema hirak ne’ebé tama ilegalmente no kumpri kuarentena mós nia rezultadu teste hetan ona pozetivu.
Ho nune’e ministériu saúde hakarak klarifika fali ba públiku tomak katak to’o agora ita-nia rai Timor-Leste seidauk iha Transmissaun iha Rai Laran.
Maka ne’e de’it ba atensaun tomak ami hato’o obrigadu wa’in.
#MédiaPaláciodasCinzas
