3 fevereiru 2021 09:00
Dr. Nilton do Carmo da Silva, Spot, MBiomed
Kordenadór Pilár VII COVID-19
✅Dadus 3 fevereiru 2021
1️⃣Kazu Foun : +2
2️⃣Komulativu Kazu : 77
3️⃣Atuál Baixa : 24 (Dili: 23, RAEOA: 1)
✅Atualiza kazu pozetivu foun Covid-19
Ohin 3 fevereiru 2021 husi komisaun nasionál rejista tan sidadaun Timor-oan na’in 2 ne’ebé konfirmadu pozetivu covid-19 kompostu husi feto ida ho idade 34 no mane ida ho idade 22. Sira na’in 2 laiha sintoma.
Sira mai husi Nasaun viziñu Indonézia husi provínsia ne’ebé lahanesan, iha 20 janeiru sira tama mai Timór liuhsui pontu entrada Batu-Gede hamutuk ho pasajeiru na’in 118.
Sira kumpri kuarentena obrigatóriu iha ótel lahanesan, ida iha ótel Leokase no ida seluk iha ótel Time Square. Husi ekipa vijilánsia epidemolojika ba halo teste swab dahuluk iha dia 21 janeiru ho rezultadu teste negativu, teste daruak foti iha 1 fevereiru no iha 2 fevereiru rezultadu RT- PCR hatudu pozetivu SARS CoV-2.
Oportunidade ne’e hakarak dehan mós katak Minstériu Saúde kontinua nafatin hala’o enkontru kordenasaun ho parte hotu-hotu hodi kombate Covid-19 iha ita-nia rai. Ohin ekipa ministériu saúde husi pilár 1-9 ne’ebé lidera husi Kordenadóra Jerál Komisaun Covid-19 desloka ba Muniisípiu Bobonaro. Iha Malaiana ekipa sei hala’o reuñiaun ho parte igreja, depois ne’e ekontru tan ho ekipa liña frente no autoridade munisipál nian ho objetivu atu haforsa serbisu liña frente atu mitiga infliltrasaun ilegal ho risku Covid-19.
#MédiaPaláciodasCinzas
