===KONFERÉNSIA IMPRENSA=== 20 MARSU 2021,

Ohin, loron 20 marsu 2021, hodi Centro Integrado Gestão de Crises-Sala Situação (CIGC-SS) nia naran, hakarak hato’o ba jornalista no ba públiku tomak, informasaun hanesan tuirmai:

EVOLUSAUN SURTU COVID-19 IHA MUNISIPIU DILI

Ohin iha Munisipiu Dili iha kazu foun 19, ho detalles hanesan tuir mai:

Kazu pozitivu 3, kontaktu-besik ho kazu konfirmadu iha BTN III, Aldeia Terra Santa, Suku Madohi, Postu Administrativu Dom Aleixo.

Kazu pozitivu 1, kontaktu-besik ho kazu iha cluster Aldeia Maucocomate, Suco Becora, Posto Administrativo Cristo Rei.

Kazu pozitivu 2, kontaktu-besik ho kazu konfirmadu ida iha cluster HNGV, hela iha Aldeia Berbidu, Suku Becora, Posto Administrativu Cristo Rei.

Kazu pozitivu 1, hela iha Aldeia Bidau Tokobaru 2, Suku Kulu-hun, Postu Administrativu Cristo Rei. Pozitivu ida ne’e kontaktu-besik ho kazu iha cluster Aldeia Lirio, Suco Motael, Posto Administrativo Vera Cruz.

Kazu pozitivu 10, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.

Kazu pozitivu 1, hela iha Aldeia Grilos, Suku Gricenfor, Postu Administrativu Nain Feto. Pozitivu ida ne’e kontaktu-besik ho kazu husi cluster balun iha Comoro.

Kazu pozitivu 1, hela iha Aldeia Gideon, Suku Vila-Verde, Postu Administrativu Vera-Cruz. Pozitivu ida ne’e kontaktu-besik ho kazu husi cluster HNGV. Ho nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 20 de Marsu de 2021, hamutuk hotu 136.

Kazu detetadu 136 iha Dili ne’e, fahe ba cluster 34, namkari iha instituisaun 4, eventu 1 & Suku 10, & fatin kuarentena 1, iha Postu Administrativu D. Aleixo, Vera Cruz, Nain Feto & Cristo Rei. Husi cluster 34 ne’ebé iha, liu 50% maka la ativu ka, sira nia kazu la aumenta iha semana ida ikus, hanesan pur ezemplu cluster MTC, SEFOPE, Ministeriu Finansas ho tan sira seluk.

ATIVIDADE PREVENSAUN & MITIGASAUN COVID-19 IHA MUNSIPIU SIRA SELUK & RAEOA

Munisipiu Baucau ho Munisipiu Viqueque ohin la iha kazu foun. Dadus ne’ebé iha, pur enkuantu hatudu katak kazu hirak ne’ebé detetatu iha Baucau (nain 8) no iha Viquque (nain 3), nu’udar kazu ne’ebé lori sai husi Dili, entre 5 ho 9 de Marsu de 2021.

2. Atividade prevensaun no mitigasaun Covid-19 iha Munisipiu sira seluk la’o hanesan baibain.

DADUS JERAL:

Kazu foun ohin: 19

Kazu rekuperadu: 3

Kazu ativu: 154

• Kazu nain 19 ohin, iha mane nain 6, feto nain 13

• Ema ho idade tinan 13: 1; • Ema ho idade entre tinan 16-79: 18

• Ema sintomátiku: 3

• Ema asintomátiku: 16.

Husi horiseik mai ohin hamutuk hotu halo 628 testes PCR.

ESPLIKASAUN ADISIONÁL

Hareé ba kazu ne’ebé aumenta ida Dili, no kazu ne’ebé deteta iha Munisipiu Baucau ho Viqueque, nu’udar kazu ne’ebé ‘’esporta’’ husi Dili, autoridade kompetente sira foti ona desizaun atu impoin medida adisionál.

Fó hanoin mós ba públiku katak, Sekretariadu Estadu Maiór Kordenadór CIGC-SS maka sei fó informasaun ba Laboratóriu Nasionál, kona-ba ema sira ne’ebé prienxe kritériu tuir Rezolusaun Nº15/2021, no tenki halo análize. Laboratóriu Nasional sei la atende ema ne’ebé nain-rasik ba husu atu halo análize, hodi halo viajen sai husi serka sanitária iha Munisipiu Dili.

APELU

Apela ba populasaun ne’ebé saí husi Dili entre dia 5 to’o dia 9 de Marsu madrugada, ba munisipiu sira seluk, molok serka sanitaria hahú iha Dili, atu favor ida aprezenta-an ba autoridade saúde sira ne’ebé besik-liu, iha imi nia hela fatin, hodi bele hetan atendimentu. Apela mós ba komunidade iha munisipiu sira, wainhira hatene kona-ba ema ruma ne’ebé sai husi Dili molok serka sanitaria hahú iha Dili, halo favor informa hela autoridade sira atu bele halo atendimentu ba sira.

Apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona

Uza máskara

Fase liman beibeik ho sabaun ka dezinfetante ruma

Evita kose liman ba matan, inus ho ibun

Wainhira kumprimenta malu, lapresiza ka’er liman, bensa-liman, rei-malu ka haku’ak malu

Evita halibur malu barak

Hamriik ka tur dook husi ema seluk, mínimu metru ida ho balun.