===KOMUNIKADU IMPRENSA=== 2 ABRIL 2021

Ohin, loron 2 fulan abril 2021, hodi Centro Integrado Gestão de Crises, Sala Situação (CIGC-SS) nia naran, hakarak hato’o ba jornalista, no ba públiku tomak, informasaun pur eskritu hanesan tuir mai:

EVOLUSAUN SURTU COVID-19 IHA MUNISIPIU DILI

Ohin, iha Munisipiu Dili iha kazu foun 34. Nune’e, kazu detetadu ka pozitivu iha Munisipiu Dili husi dia 7 de Marsu 2021, to’o ohin, 2 de Abril de 2021 hamutuk hotu 527

Ho nune’e, iha Munisipiu Dili, iha cluster foun 2, Ataúto ho Aldeia Rai Nain, Suku Bairro Pite.

Total iha cluster 50 maka sei nafatin hatudu atividade hada’et-tutan virus SARS-CoV-2,

husi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Motael, Kulu-Hun, Lahane Oriental, Becora.

Hakarak informa mós katak kazu pozitivu rua iha Ataúro, halo viajen husi Dili iha dia 31 de Marsu. Iha Dili sira hela iha Bidaun Santana. Ekipa konjunta saúde buka-tuir hela sira nia kontaktu-besik iha Dili no mós iha Ataúro.

DADUS JERAL

Kazu foun ohin: 34

Kazu rekuperadu: 24

Total kazu ativu: 461

• Husi total kazu foun ohin: mane 19, feto 15

• Sintomátiku: 2

• Asintomátiku: 32

Husi horiseik mai ohin hamutuk hotu LNS halo 632 testes PCR, inklui 223 testes ba

ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili.

Total pedidu autorizasaun esepsionál atu sai husi serka sanitaria iha Munisipiu Dili,

horiseik dia 1 de Abril, hamutuk hotu 167. Sekretariadu CIGC responde hotu kedas,

maibé 24 pedidus la prienxe kritériu tuir Resolusaun Governu.

EVOLUSAUN SURTU COVID 19 IHA TIMOR-LESTE, HAHÚ 22 FEVEREIRU 2021 (Tuir klasifikasaun transmissaun OMS nian)

Munisipiu Dili Totál Komulativu Kazu: 527, Kazu Foun iha oras 24 ikus: 34, Klasifikasaun Transmisaun: KAZU IHA CLUSTER

Munisipiu Baucau Totál Komulativu Kazu: 26, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER

Munispiu Covalima Totál Komulativu Kazu: 19, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER

Munisipiu Viqueque Totál Komulativu Kazu: 11, Kazu Foun iha oras 24 ikus: 0, Klasifikasaun Transmisaun: KAZU IHA CLUSTER

Munisipiu Ermera Totál Komulativu Kazu: 2, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU

Munisipiu Lautem Totál Komulativu Kazu: 1, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU

RAEOA Totál Komulativu Kazu: 1, Kazu Foun iha oras 24 ikus: 0, Klasifikasaun Transmisaun: KAZU ESPORÁDIKU

Munisipiu sira seluk Totál Komulativu Kazu: 0, Kazu Foun iha oras 24 ikus: 0, Klasifikasaun Transmisaun: LAIHA KAZU

INFORMASAUN ADISIONÁL

Informa mós ba públiku katak Kazu grave 1 ho moderadu nain 3 iha fatin Izolamentu Vera Cruz, kontinua hatan atensaun husi ekipa medika. Sira nia kondisaun estável.

Kazu moderadu 2 hahú halo mobilizasaun no ezerisisu fiziku.

APELU

Nafatin apela ba komunidade iha fatin ne’ebé maluk sira rekuperadu sira hela bá, favor labele tauk, labela halo diskriminsaun ba sira, tamba sira ne’ebé sai husi fatin

izolamentu, ekipa saúde sira sertifika ona katak sira la iha ona risku atu hada’et-tutan virus ba ema seluk.

Apela ba populasaun Timor-Leste tomak, liu-liu iha Munisipiu Dili, Baucau ho Viqueque

atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona:

Uza máskara

Fase liman beibeik ho sabaun ka dezinfetante ruma

Evita kose liman ba matan, inus ho ibun

Wainhira kumprimenta malu, lapresiza ka’er liman, bensa-liman, rei-malu ka haku’ak malu

Evita halibur malu barak

Hamriik ka tur dook husi ema seluk, mínimu metru ida ho balun.