==KONFERÉNSIA IMPRENSA==
Video
13 fevereiru 2021 13:45
Dra. Odete da Silva Viegas, Dermatolojista
Kordenadóra Jerál Komisaun COVID-19
✅Dadus 13 fevereiru 2021
1️⃣Komulativu Kazu : 101
2️⃣Kazu Foun : +1
3️⃣Atuál Baixa : 39
✅Atualiza kazu pozetivu foun Covid-19
Ohin 13 fevereiru 2021 husi komisaun nasionál rejista tan kazu konfirmadu pozetivu Covid-19 Timor-oan na’in 1. Pasiente ne’e feto ho idade 28, asimtomátiku.
Iha 28 janeiru 2021 Timor-oan ne’e ho nia-oan feto kiik tinan 1 fulan 7, sira na’in 2 viájen husi Atambua, Indonézia mai Timór desidi liuhusi dalan ilegál ka klandestina iha área Memo nian Munisípiu Bobonaro.
To’o iha Maliana Inan ne’e konsege aluga motór ojek hodi lori sira na’in 2 atu mailiu Dili. Wainhira sira to’o iha Kuartel Unidade Polísia Fronteira (UPF) Batu-Gede nian hetan liuhusi pasa revista husi ajente Polísia UPF no identifika katak sidadaun ne’e tama klandestina. Iha biban ne’e kedas Polísia UPF lori Inan ho oan ne’e ba iha Kuarentena Batu-Gede. Mota-Ain, Batugede, Munisípiu Bobonaro.
Iha 12 fevereiru ekipa ba halo teste swab, rezultadu pozetivu relata pozetivu iha data ne’ebé hanesan (12/2)
Inan pozetivu ho nia-oan dadauk ne’e iha ona izolamentu maibé iha sala ketak no labarik nia kondisaun mós di’ak hela.
Agora liga fali ho ojek na’in ne’e ekipa halo tiha ona investigasaun ho pasiente Covid-19 maibé nia dehan katak lakuñese ema ne’e inklui mós númeru matrikula motor refere.
✅Atu deklara mós ba públiku tomak liga ho informasaun kontaktu direta ka Close Contact ne’ebé kuaze ema partilla públiku prekupa katak relasiona ho ilegál ida ne’ebé pozetivu iha 8 fevereiru tama husi dalan illegal Batu-Gede no uja ojek bá liu Kuluhun, Dili hodi hasoru-malu ho nia-kaben.
iha investigasaun dahuluk ho illegál pozetivu ne’e nia la fó informasaun klean katak nia hasoru uluk nia-laen iha Kuluhun maibe nia ba direta Betó, Comoro.
Liuhusi biban ida-ne’e atu hato’o katak iha horseik (12/2) ekipa vijilánsia halo fila fali investigasaun, ilegál pozetivu nomós ba ema na’in 4 ne’ebé diskunfia Close Contact, entre sira ne’e mane na’in 3 ho idade 45, 7, 5 nomós feto 1 tinan 7.
Investigasaun daruak ilegál pozetivu ne’e dehan katak iha 28 janeiru nia ho nia-kaben aluga Taxi tula sira ba iha família iha Betó, maibé família la simu no kontaktu kedas ba parte vijilánsia hodi bá tula lori bá kuarentena Tíbar.
Ekipa kontaktu kedas ba Señora Eliza no ekipa vijilánsia hamutuk ho ekipa Sentru Integradu Jestaun Krizi (CICG) no Polísia tula kedas nia-kaben ho oan na’in 3 ne’ebé diskunfia close contact ne’e lori ba submete kuarentena iha ótel Novo Horizonte. Horseik (12 fevereiru) ekipa foti sira-nia swab teste no rezultadu teste hatudu negativu Covid-19.
✅Iha mós sidadaun Ilegal na’in 1 husi Postu Administrativu Turiscai, Munisípiu Manufahi.
Ilegal Mane ne’e idade 36. Nia halo Close contact ho mane na’in 1 ho idade 34.
Nia viájen husi Indonézia (Surabaya-Kupang-Atambua) iha 9 fevereiru. 11 fevereiru Husi Atambua tama mai Timór liuhusi dalan ilegáI área Batu-Gede nian. Husi Batu-Gede mai Dili ho Bus (transporte públiku) diresaun Maliana-Dili no tuun iha terminál Tasi-tolu.
Iha Tasi-tolu, nia família hein kedas no tula fali nia ho motór ba Turiskai. To’o iha Turiskai iha iha kalan tuku 09:00, Polísia no ekipa vijilánsia husi Sentru Saúde Turiskai foti kedas sidadaun refere lori bá triajen iha Sentru Saúde Turiskai.
Sentru Saúde Turiskai komunika ba pontu vokál vijilánsia iha Serbísu Saúde Munisípiu (SSM) Manufahi no pontu vokál mós informa direta ba parte vijilánsia nasionál no Diretóra SSM Manufahi.
SSM Manufahi infrenta difikuldade transporte, maibé lakonsege refere illegál ne’e mai Dili nune’e sidadaun ilegál toba kalan ida iha triajen Sentru Saúde Turiskai.
Horseik (12/2) ekipa vijilánsia kordena ho ekipa CIGC bá tula ona ilegál mai hodi submete ba kuarentena iha ótel Novo Horizonte, Dili.
Swab teste foti iha 12 fevereiru no rezultadu PCR Test hatudu ilegál ne’e negativu Covid-19.
atu detallu liu bele haree video imprensa tuir mai ne’e.
#MédiaPaláciodasCinzas
