Kazu foun ohin: 12 – KOMUNIKADU BA IMPRENSA 13 Abril

CI 13 de Abril de 2021

13 de Abril 2021, 18H00

(Dr Rui Maria de Araújo, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS)

Ohin, loron 13 fulan Abril 2021, hodi Centro Integrado Gestão de Crises, Sala Situação (CIGC-SS) nia naran, hakarak hato’o ba jornalista, no ba públiku tomak, informasaun pur eskritu hanesan tuir mai:

I. EVOLUSAUN SURTU COVID-19 IHA MUNISIPIU DILI

Iha Munisipiu Dili, iha dia 13 de Abril deteta kazu foun 7. Nune’e, kazu detetadu ka pozitivu iha Munisipiu Dili husi dia 7 de Marsu 2021 (loron ne’ebé hahú deteta kazu iha cluster BTN II, Terra Santa, Madohi), to’o ohin, 13 de Abril de 2021, hamutuk hotu 844.

Ho baze ba informasaun ne’ebé disponível, ekipa konjunta saúde halo fali revizaun ba foku propagasaun/cluster iha Municipiu Dili. Suku sai nu’udar area geográfika ne’ebé uza hanesan baze atu haree ligasaun entre kazu, no ligasaun ho expozisaun ba fonte infesaun.

Nune’e foku propagasaun/cluster iha Dili, hetan revizaun hanesan tuir mai:

Nº	FOKU PROPAGASAUN/CLUSTER IHA MUNISIPIU DILI	TOTAL KUMULATIVU KAZU KONFIRMADU TUIR DATA HAHÚ DETETA
Nº	FOKU PROPAGASAUN/CLUSTER IHA MUNISIPIU DILI	7/3	14/3	21/3	28/3	4 &5/4	6/4	7/4	8/4	9/4	10/4	11/4	12/4	13/4
1	Suku Madohi	0	0	10	13	20	20	20	20	20	26	27	27	27
2	Suku Comoro	0	10	12	44	91	92	98	106	134	140	142	145	149
3	Suku Fatuhada	0	10	13	31	92	92	99	100	103	106	110	115	115
4	Suku Bebonuk	1	2	41	77	92	92	94	107	107	107	108	109	109
5	Suku Manleuana	0	0	0	6	8	10	11	13	16	18	18	18	18
6	Suku Campo Alor	0	0	0	0	16	16	16	16	17	18	18	18	19
7	Suku Bairro Pité	0	0	9	9	19	20	23	24	24	27	29	30	31
8	Suku Vila-Verde	0	0	0	0	23	23	23	23	25	26	26	26	26
9	Suku Motael	0	0	1	2	14	14	14	14	14	14	14	14	14
10	Suku Caicoli	0	0	0	0	0	0	1	3	11	13	14	14	15
11	Suku Mascarenhas	0	0	0	0	0	0	0	0	1	10	10	10	10
12	Suku Lahane Ocidental	0	0	0	0	0	0	0	0	4	5	12	12	12
13	Suku Lahane Oriental	0	0	0	1	18	18	18	18	19	20	20	20	20
14	Suku Santa-Cruz	0	0	0	6	8	8	9	10	11	16	18	19	19
15	Suku Becora	0	0	11	23	36	38	38	39	39	48	53	53	53
16	Suku Kukuhun	0	0	10	18	22	24	25	28	28	28	28	28	28
17	Suku Bidaun Santa Ana	0	0	0	11	16	18	18	22	22	22	22	22	22
18	Suku Camea	0	0	0	0	0	0	1	1	1	1	1	1	1
18	Kuarentena	0	0	1	10	13	14	15	15	15	15	15	15	15
20	Clinica Bairro Pité	0	0	0	0	3	3	3	3	3	3	3	3	3
21	Quartel Geral F-FDTL	0	0	0	0	4	4	4	4	4	4	4	4	4
22	Ataúro	0	0	0	0	3	3	3	3	3	3	4	4	4
23	CCD	0	0	0	0	0	0	5	5	6	7	7	8	8

Munisipiu Dili, hamutuk hotu, sei nafatin iha cluster 23.

Aproveita informa hikas ba públiku katak iha Munisipiu Dili rejista óbitu 1 tan, iha dia 12 de Abril de 2021. To’o oras ne’e, seidauk iha konkordánsia entre familia ho autoridade Estadu nian kona-ba funeral ba mate-isin.

Istória klinika pasiente/matebian nian maka hanesan tuir mai:

Mane, idade 44 anos, pozitivu SARS-CoV-2 iha dia 11 de Abril de 2021 (foti amostra iha dia 11 de Abril de 2021, iha Emerjénsia HNGV). Matebian hela iha Comoro, Dili. Ambulánsia foti nia husi uma, to’o iha emerjensia iha 18H11, hatudu kondisaun sonolentu, ran sai husi inus, no dada I’is susar. Husi ezame fiziku ba sinais vitais hetan tensaun arterial 140/80 mmHg, pulsasaun 115X/minutu, frekuénsia respirasaun 32X/minutu, saturasaun Oksijéniu 77%. Ekipa emerjénsia nian halo primeirus sokorrus, hafoin halo ezame diagnóstiku adisionál ho eletrokradiograma & raiu X hirus matan, no to’o iha diagnoze traballu Suspeitu AVC (acidente vasculo cerebral) hemorrajiku. Tamba mós pozitivu SARS-COV-2, kazu ne’e konsideradu COVID-19 kategoria grave, no ekipa konjunta saúde deside enkamiña ba izolamentu Vera
Hafoin deteta pozitivu SARS-CoV-2, foti mós amostra husi membru familia nain 3 ne’ebé akompaña. Husi nai 3 ne’e nain 2
Metebian ninia CT (cycle threshod) iha rezultadu PCR dia 11 de Abril: N2 gene 1; E gene 24.7.

Ekipa evakua ba kedas ba izolamentu Vera Pasiente i’is kotu iha 1H21.
Ninia rezultadu test PCR post-mortem (amostra hasai iha maizoumenus 12H00, dia 12 de Abril de 2021): Pozitivu ho CT (Cycle Threshold) N2 Gene 18.6: E Gene 17.0. Oras 13 hafoin i’is kotu, rezultadu PCR hatudu replikasaun virus aumenta tan iha isin-mate. Faktu ida ne’e konsistente ho koñesimentu sientifiku ne’ebé sai baze atu OMS rekomenda funeral ho protokolu espesial ba kazu óbitu ho virus SARS-CoV-2 iha sira nia isin, ho objetivu atu prevene labele hadaet tutan ba ema seluk.

Informa mós katak médiku ida ne’ebé mate-bian nia familia sira temi iha video ida ne’ebé viral (Dr Joni), ohin teste PCR pozitivu. Rezultadu hatudu katak médiku ne’e mós kontajiadu COVID-19.

II. EVOLUSAUN SURTU COVID-19 IHA MUNISIPIU LIQUIÇA

Ohin iha Munisipiu Liquiça deteta tan kazu foun 4. Kazu hirak ne’e halo viajen husi Dili.

III. EVOLUSAUN SURTU COVID-19 IHA MUNISIPIU AILEU

Ohin iha Munsipiu Aileu deteta ona kazu pozitivu 1. Kazu pozitivu ida ne’e halo viajen husi Dili.

IV. EVOLUSAUN SURTU COVID-19 IHA MUNISIPIU SIRA SELUK HO RAEOA

Ohin, iha Munisipiu sira seluk ho RAEOA, la deteta kazu foun.

V. DADUS JERAL BA TIMOR-LESTE TOMAK:

Kazu detetatu foun iha dia 13 Abril 2021: 12 (7 iha Dili, 5 iha Munisipiu sira seluk).
Kazu rekuperadu iha dia 13 de Abril 2021: 0 (zero).
Total kazu ativu ohin dia 13 de Abril 2021: 544
- Husi total kazu detetadu foun ohin: mane 4, feto 8;
- Husi total kazu detetadu foun ohin: 100% asintomátiku.
Husi horiseik mai ohin, hamutuk hotu Laboratóriu Nasionál Saúde halo 452 testes PCR, ho detalles hanesan tuir mai:
- Vijilánsia sentinela: 85
- Rastreiu ba kontaktu (Contact tracing): 2
- Rastreiu Aleatoriu (Random Screening): 10
- Viajen sai husi serka sanitária Munisipiu Dili: 207
- Viajen internasionál: 148
- Follow up iha quarentena: 0

Total pedidu autorizasaun esepsionál atu sai husi serka sanitaria iha Munisipiu Dili, iha dia 13 de Abril, hamutuk hotu 215. Sekretariadu CIGC responde hotu kedas, maibé 10 pedidus la prienxe kritériu tuir Resolusaun

VI. TABELA EVOLUSAUN SURTU COVID 19 IHA TIMOR-LESTE, HAHÚ 22 FEVEREIRU 2021

(Tuir klasifikasaun transmissaun OMS nian)

Nº	MUNISIPIU	TOTAL KUMULATIVU KAZU KONFIRMADU	TOTAL KAZU FOUN IHA 24 ORAS IKUS	TOTAL ÓBITU IHA 24 ORAS IKUS	TOTAL KUMULATIVU ÓBITU	KLASIFIKASAUN TRANSMISSAUN
1	DILI	844	7	1	2	Kazu iha Cluster
2	BAUCAU	36	0	0	0	Kazu iha Cluster
3	ERMERA	34	0	0	0	Kazu esporádiku
4	COVALIMA	45	0	0	0	Kazu iha Cluster
5	VIQUEQUE	11	0	0	0	Kazu iha Cluster
6	AINARO	8	0	0	0	Kazu Esporáriku
7	LIQUIÇA	7	4	0	0	Kazu Esporádiku
8	LAUTEM	3	0	0	0	Kazu esporádiku
9	MANATUTO	3	0	0	0	Kazu esporádiku
10	BOBONARO	3	0	0	0	Kazu esporádiku
11	AILEU	1	1	0	0	Kazu esporádiku
12	RAEOA	1	0	0	0	Kazu esporádiku
13	MUNISIPIU SIRA SELUK	0	0	0	0	La iha kazu

VII. INFORMASAUN ADISIONÁL

Ohin iha tan kazu detetadu ho kategoria moderadu baixa iha izolamentu Vera Cruz. Kazu ida ne’e detetadu pozitivu iha HNVG, mai ho isin-rua no keixa katak loron 3 ona bebé la bo’ok-an. Diagnóstiku traballu: Covid-19 plus IUFD (Intra Uterine Fetal Death).
Kazu grave ne’ebé iha Vera Cruz, desde horiseik uza ventilador & aimoruk balun tuir protokolu ne’ebé Timor-Leste Ohin saturasaun oksijénio 96%, no estável.

VIII. APELU

Ba sira ne’ebé maski lakon uma, sasan no hela fatin, no tenki evakua ba fatin publiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho bé no sabaun ka dezintetante
Husu mós ba populasaun ne’ebé provizóriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu.
Ba populasaun ne’ebé la afetadu ho inundasaun, favor respeita nafatin regra sira ne’ebé Governu hatu’ur ona atu prevene moras Covid-19 da’et ba mai. Regra sira ne’e, hanesan ita hotu hatene ona: (a) Uza mascara; (b) fase liman beibeik ho sabaun ka dezinfetante ruma; (c) evita kose liman ba matan, inus ho ibun; (d) wainhira kumprimenta malu, lapresiza ka’er liman, bensa-liman, rei-malu ka haku’ak malu; (e) evita halibur malu barak; (f) hamri’ik ka tur do’ok husi ema seluk, mínimu metru ida ho balun.

-ninin no rohan-

RMA