informasaun surtu Covid-19 ne’ebé aumenta iha Timor-Leste.

24 Dezembru 2020 : Ministra Saude dr. Odete Maria Freitas Belo, MPH atualiza informasaun surtu Covid-19 ne’ebé aumenta iha Timor-Leste.
Konferensia ne’e hala’o iha Salaun SAMES, Kampung Alor, Dili.
Hafoin relata tiha kazu pozetivu rua iha loron 22 dezembru, no ohin ministériu saúde relata tan ba públiku kazu covid-19 ne’ebe aumenta tan na’in 7.
Bele haree deklarasaun Ministra Saúde nian iha Konferénsia Imprensa tuirmai ne’e.
Kazu aumenta, fulan dezembru Timor-Leste iha kazu 9, entaun ho numeru aumenta kazu ne’ebé mak iha ita kuidadu tebetebes tanba ha’u tenki halo jestaun didi’ak.
Maske kazu sira ne’e asimptomatik maibé dalaruma tanba kazu asimptomatik entaun ita dehan ema lata’uk, hanoin dehan buat ne’e bosok tanba sira rasik lasenti moras. Iha laboratóriu hatudu katak pozetivu maibé ninia síntomas ne’e kuandu laiha entaun ema senti dehan ida ne’e laiha problema.
Wainhira hatudu pozetivu iha laboratóriu ida ne’e sai hanesan problema ba ministériu saúde tanba lakohi kazu sira ne’e bele alastra tan ba ema seluk, ho kazu ne’ebé mak aumenta ita bele dehan pursentu (90%) husi kazu fulan-fulan ida (1) de’it maibé ba fulan ida ne’e de’it sa’e to’o sia 9, ita haree kazu ne’e aumenta ne’ebé boot ba ami, no ami lakohi atu tu’ur nonok ho kazu ida ne’e ami koko atu konvida ita-nia parseiru sira, ajénsia sira nune’e mós ita-nia Ministériu sira ne’ebé mak durante ne’e ita serbisu hamutuk ho sira, ita-nia Ministériais sira ne’ebé mak haree hamutuk saidá mak bele halo.
Durante ne’e ita para tiha serbisu balun ezemplu hanesan uza maskara, fase-liman, ita koko atu ko’alia nafatin kada fulan kuandu kazu ida iha, ita tenki haree, ita hotu-hotu senti dehan ida ne’e hahahlok preventivu ida.
Importante tebetebes liu-liu iha loron boot Natal no tinan foun ida ne’e atu bele la’o tuir fila fali protokolu preventivu ne’ebé mak ministériu saúde fó sai, uza maskara, fase-liman, uluk ita laiha desinfektan ou handsanitazer, ita buka maibé agora ema fa’an iha ne’ebé de’it fasil para bele hetan ne’e ha’u espera katak bele iha pelumenus bá Igreja ka bá merkadu ka fatin ne’ebé de’it ita-boot sira hakarak bá pasiar, lori ita-boot sira-nia handsanitazer tanba orsida ita-nia liman kona iha fatin ne’ebé de’it uza nafatin dezinfetan ba ita-boot sira-nia liman atu nune’e moras labele kona ita.
Mantein nafatin distánsia sosiál ho kazu 9 ne’ebé mak iha, ami seidauk foti desizaun ida klaru atu hapara serbisu tomak maibé ha’u hakarak atu apela katak se bele iha festa iha Natal bele bá partisípa misa maibé ho maskara nafatin se karik ita fila ba uma diakliu idak-idak iha familia iha uma. Ita prevene vizita família seluk nia uma, di,akliu ita iha ita-nia uma rasik. Sekarik sai ba liur atu sosa nesesidade uma laran nian, sekarik laiha importansia ruma di’akliu mantein hela iha uma ida ne’e mak importante bainhira ita lahatene ho kazu 9 ne’ebé mak iha saidá mak akontese iha ita-nia rai laran.
Ita laiha transmisaun iha ita-nia rai laran, kazu hirak ne’e ne’e importadus hotu de’it. Husi na’in 9 na’in 2 ne’ebé mak ami esplika tiha ona iha dia 22 liuba maibé sira na’in 3 ne’ebé mak iha Oé-cusse na’in, horiseik ita hetan kazu 1 no ohin ita identifika tan kazu 3 ha’u hanoin ha’u seidauk bele fó informasaun ne’ebé detalladu no klaru sira-nia viájen ne’e mai husi ne’ebé maibé dadauk ne’e ekipa kontinua rekolla nafatin informasaun hirak ne’e hotu.
Ohin iha kuarentena ami haree rasik ha neba ihatudu katak distánsia ne’e laiha tiha ona, ha’u nia hanoin ita bele foti disazaun atu bele re-screening fila fali ba sira tanba kazu pozetivu na’in 3 mak iha ne’ebá, entaun ami husik hela ekipa sira prepara ona halo re-screening ba sira hamutuk 168.
Kazu 3 iha Oé-cusse ne’e izola ona iha neba (Oe-cusse) no na’in 4 iha Dili mós transporta ona ba izolamentu Vera Cruz.
REMATA
#MédiaPaláciodasCinzas
https://web.facebook.com/MinisteriodaSaudeTL

Share via
Copy link
Powered by Social Snap
COVID-19 Timor-Leste

FREE
VIEW