Komunikadu Imprenza:
Inundasaun bo’ot ne’ebe estraga sidade Dili iha loron 13 Marsu 2020 afeita ema liu husi 30,000. Iha loron hira nia laran, akompanya ho ho xoke daruak, ho deklarasaun kona-ba implementasaun Estadu Emerjensia.
Governo Timor-Leste, lidera husi Sekretaria Estadu Protesaun Sivil, kordena hodi responde ba sira ne’ebe afeita husi inundasaun no ajuda prevene da’et COVID-19.Ekipa konsorsiu husi Australia nia Parseria Umanitaria kompostu husi CARE Internasional, World Vision Timor-Leste, Plan Internasional, Oxfam iha Timor-Leste, Can Do (Caritas) no Ra’es Hadomi Timor Oan (RHTO), ho suporta Governu Australia.
Wainhira akontese inundasaun, tenki evakua lalais residente lokal Paulina ho ninia oan nain 8, inklui labarik ho defisiensia nain rua. Nia uma a’at hotu no sira nia ropa nomos fo’os estragus hotu. Nia kontenti lo’os wainhira organizasaun ba ema ho defisiensia Ra’es Hadomi Timor Oan no Oxfam bele fornese material sira no suporta hodi hari’I fila fali ninia uma hanesan parte ida husi responde nia. Ninia uma agora diak liu bele satan mosu inundasaun. Paulina dehan ninia oan sira agora la tauk ona wainhira akontese udan bo’ot.
Hamutuk Protesaun Sivil no AHP nia ajensia sira ajuda ona:
- Feto, mane, labarik no ema ho defisiensia hamutuk nain 52,347 rekopera husi inundasaun no prevene da’et husi COVID-19
- Uma kai hamutuk 110 simu ona material konstrusaun hodi hadiak fila fali sira nia uma depois de inundasaun, inklui uma husi ema ho defisiensia nain tolu hari’i fila fali ho kondisaun diak liu,
- Hadiak fasilidade be’e, saneamentu no ijiene ba eskola afetadu hamutuk 9
- Estasaun fase liman hamutuk 1000, poster COVID-19 hamutuk 5659 no ekipamentu protesaun pesoal hamutuk 3360 distribui ona ba uma kain no komunidade afeitadu husi inundasaun no ajuda prevene COVID-19.
Responde ne’ebe lidera husi governu refere maka primeira vez organizasaun ba ema ho defisiensia nia hola parte iha pozisaun ativu. Diretor Nasional Diretoria ba Jestaun Risku Dezastre sr. Agostinho Belo dehan katak sira orgullu tebes ho sira nia servisu hamutuk ho RHTO iha prosesu responde nia laran no ida ne’ebe agora prioritiza mos ema ho defisiensia.
AHP responde inundasaun hetan suporta husi Governu Australia.
Ba informasaun liu tan bele kontaktu Oxfam iha Timor-Leste Resilience Senior Program Manager Jose (Josh) Fernandas Seixas Babo Ma, +670 78594 1169, josef@oxfam.org.au
