===KONFERÉNSIA IMPRENSA===
29 janeiru 2021, 11:30
Dra. Odete da Silva Viegas, Dermatolojista
Kordenadóra Jerál Komisaun Covid-19
Dadus 29 janeiru 2021
Komulativo Kazu : 69
Komulativu Rekuperadu : 50+4 = 54
Kazu Foun : +1
Atuál Baixa : 19
Atualiza Kazu Pozetivu 29 janeiru 2021
Ohin 29 janeiru 2021 ministériu saúde rejista tan estudante sidadaun Timór-oan na’in 1 ne’ebé konfirmadu kazu Covid-19, pasiente mane ho idade 15 ho asintomátiku.
Iha 4 janeiru 2021 nia hala’o viájem ba iha Atambua, Indonézia ho motór privadu, ninia razaun atu prolonga visa. Iha Fatubanao, Atambua nia hela durante semana rua (2) iha ninia Tio nia uma.
Iha 18 jenaeiru tuku 13:30 oras Indonézia nian sidadaun ne’e viájem husi Atambua mai Wini no toba tan kalan 2 iha Wini parte Kefa nian.
20 janeiru 2021 nia tama Timor-Leste liuhusi fronteira Sakato, Oe-cusse hamutuk ho estudante na’in 7 seluk, ekipa Covid-19 koloka kedas sira ba halo kuarentena iha ótel Oeupun, iha Rejiaun Administrativa Oe-cusse Ambeno.
Ekipa vijilánsia halo teste swab ba sira iha 28 janeiru no rezultadu teste husi laboratóru relata katak sidadaun ne’e pozetivu Covid-19. Dadaun ne’e pasiente refere evakua ona ba sala izolamentu iha Oe-cusse.
Ita-nia maluk ne’ebé hela iha kuarentena Oeupun hamutuk na’in 68, sira tama ho data ida ne’ebé lahanesan. Sira ne’ebé liuhusi dalan legal mak na’in 8 ne’e no 56 seluk liuhusi dalan ilegal.
